أعطيني الحب و اللي تبيه خذيه

أعطيني الحب و اللي تبيه خذيه


أنتــي اللـي جـرح قلبي و أنتـي تـداويــه
مـا غـيــرك جــروحــي أحــد يـداويـهــا
*****
و اللـي بـيـنـي و بـيـنـك مـحـدٍ درا بـيـه
عـلــوم الـهــوى .. أســرار لا تـبوحـيها
*****
و قـلب المحـب ما يـنعرف الليِّ خفا فيه
يـمـوت و جـروحــه مـحــدٍ درا بـيـهــــا
*****
غـير صاحب الجـرح و اللي تسبب فـيه
و راعــيَ العـلّــة مـا غـيــره يـبــريـهــا
*****
صـحـيـح راعــي الهــوى الحـب معْـنِـيه
يـبــان عـلـى حــالـه أمــورٍ يـخـفـيّــهـــا
*****
يـمـشــي مـع الـنــاس هـمـومــه تعـنِّـيه
يـأخــذ و يعـطـي مـع النـاس يجـاريـهــا
*****
يا بـنـت مـا غـيـرك فـي الـقـلـب مـؤويه
و أنتي اللي في النفس و من سكن فيها
*****
لا تـجـرحـيــن الـقـلـب مـا جـاه يكفــيّـه
و جــروح الأمــس مـازالــت بـواقــيـهـا
*****
وما كـان بـيـني و بـيـنك يا بنت صونيه
و صوني سنين الـود و بالعـين راعـيها
*****
أعـطـيـني الحـب و اللـي تـبـيـنـه خذيه
لــو كــان روحـــي تـــرى لك أهــديـهــا
*****